Novas

O pleno aprobou por unanimidade a constitución formal do patrimonio municipal e a cesión definitiva da parcela para a construción dunha nova escola infantil en Bertamiráns

[27-01-2012] Na sesión plenaria celebrada onte aprobouse por unanimidade dos tres grupos políticos con representación na corporación municipal, PP, PSOE e BNG, a constitución formal do patrimonio municipal do solo do Concello de Ames. Trátase dunha cuestión que estaba pendente dende o ano 2002 e que supoñía un incumprimento legal por parte do Concello. A constitución formal do patrimonio do solo de Ames é imprescindible para coñecer o valor real dos bens patrimoniais do Concello que ata o de agora non estaban correctamente catalogados. Sen a constitución do patrimonio do solo non se poden realizar operacións de venda e permuta por parte do Concello. Tamén por unanimidade foi aprobada a cesión definitiva dunha parcela para construír unha nova escola infantil en Bertamiráns.

• Escoitar arquivo de son
• Publicar en Twitter

O programa de adopcións especiais da fundación Faiben organiza un novo encontro de formación de familias no Pazo da Peregrina

[27-01-2012] Este sábado 28 de xaneiro e o próximo 11 de febreiro no Pazo da Peregrina, en Bertamiráns, terá lugar un novo encontro de formación de familias, organizado pola fundación Faiben. Fundación de apoio á infancia e ao benestar, (www.faiben.org ), quen a través do programa de adopcións especiais "adoptar é posible" traballa con familias interesadas en adopcións especiais. Dito programa desenvólvese en colaboración coa Consellería de Traballo e Benestar, a través da Secretaría Xeral de Familia e Benestar. Entre os obxectivos do programa está a sensibilización, captación, información e formación das familias dispostas a adoptar menores da comunidade autónoma galega, que polas súas características especiais teñen máis dificultades para exercer o seu dereito a vivir en familia.

• Escoitar arquivo de son
• Publicar en Twitter

O Concello de Ames solicita ofertas ás entidades bancarias para contratar unha operación de tesouraría a corto prazo por valor de 2.775.000euros

[26-01-2012] O concello de Ames abriu o prazo de solicitudes de ofertas ás entidades bancarias para contratar unha operación de tesouraría a corto prazo por valor de 2.775.000 euros. Esta operación permitiralle á administración local dispor de certa liquidez para o pagamento de facturas a provedores mentres non se recadan os impostos municipais. No pasado mes de decembro devolveuse a operación de tesouraría do ano 2011. Un informe do departamento de tesourería acredita a necesidade de obter liquidez para os próximos tres ou catro meses, antes do cobro de impostos coma o IBI (Imposto de Bens Inmobles).

• Escoitar arquivo de son
• Publicar en Twitter

• [26-01-2012]

  Volve o teatro infantil á Casa da Cultura do Milladoiro coa obra Dous pallasos en apuros da compañía Os 7 magníficos +1

• [26-01-2012]

  Os alumnos do IX Seminario de amigos da viticultura organizado pola Oficina de Voluntariado de Ames puxeron en marcha un novo blog

• [25-01-2012]

  Santiago Amor recibiu aos alumnos do IES de Ames que se presentaron ás Olimpíadas de Bioloxía en Vigo

• [25-01-2012]

  A Aula de informática do Milladoiro acolle un curso de iniciación á internet

• [25-01-2012]

  Ábrese o prazo de preinscrición nos cursos de galego preparatorios para obter o Celga

• [24-01-2012]

  O próximo pleno do Concello de Ames debaterá a constitución formal do patrimonio municipal do solo

• [24-01-2012]

  O Concello de Ames organiza a primeira campaña de recollida de material escolar

Ver máis novas

Exposicion Somos Ames

Ver máis