Concello de Ames

Menú [Saltar]

Concello de Ames

[http://www.concellodeames.org]


Inicio Relaciónate Avisos Información de...


Información de contacto para os avisos ante a presenza de animais abandonados na rúa

[22-02-2013] O Concello de Ames dispón dun servizo de lacería e canceira para a recollida de animais abandonados. En caso de detectar a presenza de animais abandonados na rúa, os veciños e veciñas de Ames poden avisar ao Concello a través de dúas canles:

- En días laborais, de luns a venres en horario de 07:45 a 15:00 horas, os veciños de Ames que detecten a presenza dun can abandonado na rúa poden dirixirse para dar o aviso á Concellería de Medio Ambiente do Concello de Ames. O teléfono de contacto é o 662 377 544.

- Fins de semana ou fóra do horario laboral, será o departamento da Policía Local de Ames quen se encargará de recibir os avisos no número de teléfono 619 767 575.

No caso daqueles animais que estean identificados mediante microchip, darase aviso antes de trasladalo á canceira ao propietario, quen poderá recollelo.

Ademais, en canto se rexistren animais non reclamados na canceira, introducirase na páxina web municipal unha ficha con fotos de cada un, tal e como figura a continuación. O servizo de lacería e canceria do Concello de Ames é realizado pola empresa Servigal.

ANIMAIS NON RECLAMADOS QUE ESTÁN NA CANCEIRA

Esta cadela de raza pastora alemá de uns 8 anos de idade foi recollida o sábado, 11 de outubro, en Bertamiráns. Este can de raza beagle foi atopado o pasado 24 de outubro en Castiñeiro do Lobo. Trátase dun macho de tamaño mediano e cor branco, marrón e negro. Este can de raza setter foi recollido en Bertamiráns o pasado 25 de outubro de 2014. Trátase dun macho de tamaño mediano e cor branco e marrón. Este can dispón do correspondente microchip. Esta cadela mestiza foi recollida no lugar de Cruxeiras o pasado 27 de outubro de 2014. Trátase dunha femia de tamaño mediano e cor beis. Ten arredor dun ano de idade.

Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925