Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Convocatorias


Convocatorias

Neste apartado podes consultar os prazos e requirimentos para solicitar axudas e subvencións, coñecer as convocatorias de emprego público e os concursos e subastas de licitacións públicas do Concello de Ames. Para poder visualizar as convocatorias tes que navegar polas categorías do teu interese.


Proceso de creación dunha bolsa de traballo de educadoras/asistentes infantís para as escolas infantís de Ames

[26-03-2015] O Concello de Ames, acaba de convocar un proceso selectivo para a creación dunha bolsa de traballo de educadoras/asistentes infantís para a cobertura temporal deste tipo de postos nas escolas infantís municipais de primeiro ciclo, O Bosque e A Madalena. As solicitudes presentaranse no Rexistro Xeral do Concello durante os dez días hábiles seguintes á publicación do anuncio nun dos diarios de maior tirada da comarca, no taboleiro de edictos e na web do Concello. O prazo comeza a contar dende hoxe xoves 26 de marzo. O modelo de solicitude, o temario, o impreso de declaración xurada, e o contido íntegro das bases, poderán acadarse e consultarse polos/as interesados/as na oficina do Servizo de Recursos Humanos do Concello de Ames e premendo nas ligazóns que están a túa dereita, baixo o apartado de descargas.

Convocatoria de axudas para a promoción do comercio local de Ames

[02-12-2014] O Concello de Ames aprobou as bases da convocatoria de subvencións para a promoción do comercio local a comezos do pasado mes de novembro. O importe total das axudas acada os 25.000 euros. Esta achega municipal busca apoiar o comercio local, centrándose na promoción comercial, así como na dotación de infraestruturas e equipamentos para as asociacións de empresarios e comerciantes. As bases desta convocatoria de axudas xa saíron publicadas no Boletín Oficial da Provincia (BOP) o pasado 28 de novembro. O prazo de presentación de solicitudes rematará o 29 de decembro. Premendo no enlace que está a túa dereita, baixo o apartado de descargas, poderás obter as bases e os impresos de solicitude destas axudas.

Convocatoria de axudas para a promoción de actividades levadas a cabo polas ANPAS

[14-11-2014] O Concello de Ames aprobou as bases da convocatoria de axudas para a promoción de actividades levadas a cabo polas ANPAS dos centros educativos amienses ao longo do exercicio 2014. En total, destínanse 18.500 euros para esta convocatoria de subvencións. A través destas achegas poderanse sufragar ata un máximo do 80% das saídas culturais ou das actividades extraescolares, que levan a cabo estas asociacións. As bases desta convocatoria de axudas xa saíron publicadas no Boletín Oficial da Provincia (BOP). O prazo de presentación de solicitudes remata o 30 de novembro, aínda que ao ser domingo prorrógase ata o luns 1 de decembro de 2014. Premendo no enlace que está a túa dereita, baixo o apartado de descargas, poderás obter as bases e os impresos de solicitude destas axudas.

Convocatoria de axudas para a adquisición de libros de texto e material escolar (curso 2014-2015)

[31-10-2014] A Xunta de Goberno local de Ames vén de aprobar a convocatoria de axudas para a adquisición de libros de texto e material escolar destinadas a alumnos de segundo ciclo de educación infantil para o curso 2014-2015. A contía máxima destinada a esta convocatoria ascende a 18.500 euros. As solicitudes deberán presentarse no rexistro xeral do Concello, en Bertamiráns, ou na Oficina municipal do Milladoiro. Concretamente, o prazo de presentación de solicitudes remata o 30 de novembro, aínda que ao ser domingo prorrógase ata o luns 1 de decembro de 2014. Desta liña de axudas beneficiáronse o ano pasado un total de 127 destinatarios. Premendo nos enlaces que están a túa dereita, baixo o apartado de descargas, poderás consultar as bases desta convocatoria de axudas e imprimir o impreso de solicitude.

Listaxe definitiva dos mestres de oficio para o obradoiro de emprego “Entre Ríos”

[04-09-2014] O Concello de Ames, a través da concellaría de Promoción Económica e Traballo, informa da lista definitiva de mestres de oficio para o obradoiro de emprego “Entre Ríos”. Trátase dun programa de emprego e formación, subvencionado pola Consellería de Traballo e Benestar, e promovido polo Concello de Ames, en colaboración co concello de Brión. Premendo no enlace que está a túa dereita, baixo o apartado de descargas, poderás obter a devandita lista definitiva.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925