Concello de Ames

Menú [Saltar]

Concello de Ames

[http://www.concellodeames.org]


Inicio Descúbrenos Como chegar


Cómo chegar

A cabeceira municipal do concello de Ames, Bertamiráns, está a tan só 9,8 km de Santiago de Compostela. O outro núcleo urbano amiense, O Milladoiro, dista 5,8 km da capital de Galicia. As principais vías de comunicación entre a Santiago de Compostela e Ames son a C-543 que vai a Bertamiráns e a N-550 que pasa polo Milladoiro. Ademais, desde 2008 tamén se pode chegar á capital do concello directamente desde a saída 75 da AP-9, percorrendo a autovía Santiago-Brión.

Vías de comunicación

Mapa de como chegar a Ames A principal vía de comunicación con Bertamiráns, a capital do municipio, é a estrada C-543 que vai de Santiago de Compostela a Noia. Desta estrada sae a AC-543 cara a Ames, Tapia e Piñeiro; a AC-450, en dirección a Negreira, que cruza as parroquias de Trasmonte e Agrón; e a AC-302 que atravesa as parroquias de Ortoño e Bugallido para empatar coa N-550 que de Santiago conduce a Pontevedra e Vigo.

A N-550 une o núcleo do Milladoiro con Santiago de Compostela, amais a AP-9 A Coruña-Vigo ten unha saída no Milladoiro. Esta mesma saída (a nº 75) conecta directamente a AP-9 con Bertamiráns por medio da autovía Santiago-Brión. Desde a banda sur do Milladoiro tamén se pode enlazar coa autovía a través do corredor Pardiñas-As Galanas.

Distancias

  • Bertamiráns - A Coruña 70,1km.
  • O Milladoiro - A Coruña 65,2km.
  • Bertamiráns - Pontevedra 53,1km.
  • O Milladoiro - Pontevedra 52,1km.
  • Bertamiráns - Vigo 79,3km.
  • O Milladoiro - Vigo 82,2km.
  • Bertamiráns - Ferrol 99,2km.
  • O Milladoiro - Ferrol 94,2km.
  • Bertamiráns - Lugo 107,4km.
  • O Milladoiro - Lugo 102km.
  • Bertamiráns - Ourense 106,2km.
  • O Milladoiro - Ourense 99,6km.



Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925