Concello de Ames

Menú [Saltar]

Concello de Ames

[http://www.concellodeames.org]


Novas

O goberno municipal mantivo hoxe unha reunión informativa coa oposición para aclarar como está a xestión do Ciclo integral da auga

[29-08-2014] O alcalde de Ames, Santiago Amor, e a concelleira de Medio Ambiente, María Eugenia Martín, mantiveron esta mañá, ás 13:30 horas, no salón de plenos da Casa do Concello unha reunión informativa cos membros da oposición para explicarlles como se atopan as xestións de licitación do servizo público do ciclo integral da auga. Segundo explica o alcalde de Ames, Santiago Amor, “a partir do día 3 de setembro o servizo municipal de saneamento e abastecemento seguirase prestando con total normalidade, como se veu facendo ata o de agora”.

O Pleno aproba de xeito inicial a ordenanza reguladora do servizo municipal de taxis

[29-08-2014] A corporación municipal de Ames aprobou onte por unanimidade a ordenanza do servizo de taxis do Concello de Ames, que regulará as tarifas que se aplicarán neste servizo durante o ano 2014 e o cobro mediante taxímetro. Agora, haberá que enviar o expediente á Comisión de Prezos de Galicia, para que emita un informe favorable sobre as tarifas que se recollen neste documento. Ademais, deberá someterse a exposición pública durante 30 días hábiles dende a súa publicación no BOP. Outros dos temas que se abordaron foi a aprobación inicial do regulamento do servizo municipal de transporte adaptado. Este regulamento quedou sobre a mesa para adaptalo á lexislación vixente. Por último, aprobáronse tres mocións presentadas polo grupo municipal socialista e polos concelleiros/as non adscritos.

A Asociación cultural San Xoanciño de Pousada honrará á virxe de Lourdes cunha alfombra floral

[29-08-2014] Os veciños e veciñas do lugar de Pousada, pertencente á parroquia de Ames, celebran este domingo, 31 de agosto, as festas na honra da virxe de Lourdes. Para elo están elaborando unha alfombra floral que irá dende a capela de San Xoanciño de Pousada ata o cruceiro do campo da festa. Para honrar á virxe de Lourdes celebrarase unha misa solemne o domingo, ás 13:00 horas, que estará cantada polo coro parroquial de Ames. Tralos actos relixiosos realizarase a correspondente procesión pola alfombra floral e actuará o grupo de pandereteiras As Maianas.

Ver máis novas


Ames Radio
Reproducir conWinampQuickTimeWindows Media PlayerReal Player

 


Máis do Concello

Administración electrónica

Administración electrónica

Os contribuíntes teñen a posibilidade de utilización da Oficina Virtual Tributaria.
Ler, xogar, gozar

Ler, xogar, gozar

As nosas bibliotecas son espazos de cultura e entretemento con programas de actividades durante todo o ano.
Somos solidarios

Somos solidarios

A Oficina de Voluntariado de Ames (OVA) ofréceche unha chea de iniciativas solidarias nas que ti tamén podes participar.
Moito que ver

Moito que ver

Patrimonio, paisaxe, rutas, aloxamentos... Todo que precisas para preparares a túa visita ao noso territorio.

Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925