Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Abre o prazo para preinscribirse ou renovar praza nos servizos complementarios municipais

[02-03-2015] O Concello de Ames abre o prazo para que os usuarios/as dos servizos complementarios poidan preinscribirse ou renovar praza para o curso 2015-2016 na Rede de comedores escolares e nos programas Bos días cole e Tardes divertidas. As preinscricións e renovacións de praza poderán realizarse entre o 1 e o 31 de marzo. Os interesados poden realizar a tramitación administrativa das súas solicitudes a través do portal www.conciliames.org ou de xeito presencial no departamento de Educación, situado no Pazo da Peregrina en Bertamiráns, ou na oficina municipal do Milladoiro. Premendo nos enlaces que están a túa dereita, baixo o apartado de descargas, poderás obter as instrucións para os procesos de renovación e preinscrición nos servizos complementarios.

Ames e Brión clausuran o obradoiro de emprego “Entre Ríos” no que participaron 22 persoas desempregadas

[02-03-2015] O alcalde de Ames, Santiago Amor, e a directora xeral de Emprego e Formación, Ana Díaz, visitaron esta mañá o Centro de Formación e Emprego de Aldea Nova, na parroquia amesá de Ortoño. O motivo da visita foi a clausura e entrega de certificados do obradoiro de emprego “Entre Ríos”, promovido polos Concellos de Ames e Brión. Ao acto tamén asistiron o concelleiro de Promoción Económica e Traballo, Bernardo Moar, o alcalde de Brión, José Luís García, e a directora do obradoiro, Carmen González.

A concelleira do Partido Popular, Eugenia Martín Vicente, renuncia á súa acta de concelleira en Ames

[02-03-2015] A concelleira do Partido Popular, Eugenia Martín Vicente, renunciou hoxe á súa acta de concelleira de Cultura, Medio Ambiente e Deportes, por razóns persoais. Martín foi tamén primeira tenente de alcalde.

Ames e Brión solicitan á Consellería de Traballo unha subvención para desenvolver un novo obradoiro de emprego

[01-03-2015] O alcalde de Ames, Santiago Amor, e o concelleiro de Emprego, Bernardo Moar, visitaron o venres o Concello de Brión para reunirse co seu rexedor, José Luis García. O motivo da xuntanza foi a sinatura dun convenio para solicitarlle unha subvención á Consellería de Traballo e Benestar de cara a poñer en marcha un novo obradoiro de emprego.

O alumnado do CPI dos Dices e do IES Macías o Namorado, que representaba ao concello de Rois, pasa á fase final do Club de Debate

[28-02-2015] Os alumnos e alumnas que representaron ao concello de Rois na fase comarcal do Club de Debate foron os principais protagonistas deste evento, que se celebrou este venres, 27 de febreiro, na Casa da Cultura de Bertamiráns. Os rapaces e rapazas, pertencentes aos grupos do CPI dos Dices de Rois e do IES Macías o Namorado de Padrón, quedaron en primeiro e segundo lugar, respectivamente, e pasan á final galega que se celebrará no Pazo da Cultura de Carballo o domingo 26 de abril. O tema sobre o que debaterán na fase final será: `Herdamos o galego, temos que transmitilo´. O mellor equipo do concello de Ames foi o grupo número 1 do IES de Bertamiráns e quedou na cuarta posición.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925