Concello de Ames

Menú [Saltar]

Concello de Ames

[http://www.concellodeames.org]


Inicio Ames dixital Novas


Novas

Ames abre un proceso selectivo para optar a unha bolsa de traballo de educador e/ou asistente infantil nas escolas municipais

[28-03-2015] O Concello de Ames acaba de convocar un proceso selectivo para a creación dunha bolsa de traballo de educadores e/ou asistentes infantís para a cobertura temporal destes postos nas dúas escolas infantís municipais de primeiro ciclo, O Bosque e A Madalena. As solicitudes presentaranse no Rexistro Xeral do Concello durante os dez días hábiles seguintes á publicación do anuncio nun dos diarios de maior tirada da comarca, no taboleiro de edictos e na web do Concello. O prazo remata o vindeiro 9 de abril.

O alcalde de Ames recibe na Casa do Concello a 76 alumnos de terceiro de Educación Primaria do CEIP A Maía

[27-03-2015] Un total de 76 alumnos de terceiro de Educación Primaria do CEIP da Maía visitaron esta mañá a Casa do Concello de Ames. Acompañados do alcalde, Santiago Amor, a concelleira de Xuventude, Ana Ruso, o edil de Obras, Alfredo Taboada, e o novo concelleiro do grupo de goberno, Ramón Senra, percorreron as dependencias municipais e mesmo puideron sentarse nas cadeiras que ocupan o rexedor e os edís durante no salón de plenos.

O pleno de Ames aproba por unanimidade a ordenanza de emerxencia social municipal

[27-03-2015] O pleno ordinario de marzo comezou cun minuto de silencio en recordo das 150 persoas que faleceron esta semana no accidente aéreo acontecido nos Alpes franceses. De seguido, Ramón Senra Ríos tomou posesión da súa acta como novo concelleiro da corporación municipal. A continuación, aprobouse por unanimidade, e de xeito inicial, a ordenanza reguladora das axudas de emerxencia social.

O Concello de Ames pide a colaboración da Deputación para completar unha vía dende o polígono industrial do Milladoiro á estrada de Ventín

[26-03-2015] O Concello de Ames solicitoulle á Deputación da Coruña unha subvención para finalizar un proxecto de conexión co polígono industrial do Milladoiro dende a parte posterior do Instituto de Educación Secundaria. En concreto, trátase de darlle continuidade a un tramo que vai dende o acceso traseiro ao centro educativo, na Avenida do Muíño Vello, ata á estrada de Ventín, na rúa Nova. O consistorio solicita ao ente provincial o financiamento do oitenta por cento do importe destes traballos, que acadan os 146.929,44 euros.

Un milleiro de escolares de Ames participa nas charlas sobre seguridade viaria que imparte a Dirección Xeral de Tráfico

[25-03-2015] O alcalde de Ames, Santiago Amor, a concelleira de Seguridade, Ana Ruso, e o inspector da Policía Local, José Antonio Rodríguez, achegáronse onte ata o CEP de Ventín para asistir a unha charla sobre educación viaria dirixida a escolares. Esta actividade enmárcase dentro da campaña estatal de seguridade viaria que desenvolve a Dirección Xeral de Tráfico, en colaboración co Concello de Ames, e nela participarán preto dun milleiro de alumnos de Educación Infantil e Primaria dos colexios amesás.


Aviso legal | Accesibilidade | RSS

© Concello de Ames
Praza do Concello, 2, Bertamiráns. Tel: 981 883 002 - Fax: 981 883 925